App
Installar Zugora sco app
Zugora funcziunescha en il navigatur e sa lascha metter senza App Store sco app sin il visur da partenza. Lura è la pagina d’urgenza disponibla er senza internet. Ils apparats n’han nagina surfatscha rumantscha; nus citain las inscripziuns tudestgas.
iPhone ed iPad
- Avra zugora.ch en Safari.
- Tutga «Teilen», il quadrat cun la frizza ensi. Tenor la versiun al chattas ti en la trav u davos ils trais puncts «…».
- Tscherna «Zum Home-Bildschirm». Sche ti na vesas betg l’endataziun, scrolla engiu en la glista.
- Tutga «Hinzufügen». Zugora cumpara ussa sin tes visur da partenza.
A partir dad iOS 26 s’avra mintga pagina che ti agiuntas uschia sco web-app senza la trav dal navigatur. In’icona gia agiuntada n’actualisescha iOS betg; stizza ella ed agiunta Zugora da nov, sche l’icona sa mida.
Android
- Avra zugora.ch en Chrome.
- Tutga sura a dretga il menu cun ils trais puncts.
- Tscherna «App installieren» u «Zum Startbildschirm hinzufügen».
Computer
- Chrome ed Edge: Clicca en il champ d’adressa sin l’icona per installar u tscherna en il menu «Zugora installieren».
- Safari sin il Mac: Tscherna en il menu «Ablage» il cumond «Zum Dock hinzufügen».
Tge che l’app po
Zugora s’avra en ina fanestra separada e chargia mintga giada la versiun la pli nova. La pagina d’urgenza e las paginas visitadas l’ultima giada funcziunan er senza internet. L’app è gratuita e na dovra naginas autorisaziuns.